Avropa Konfrans Liqasının II təsnifat mərhələsində "Zirə"nin rəqibi olan "Makkabi" heyətini yeni futbolçu ilə gücləndirib.
Sportinfo.az xəbər verir ki, Tel-Əviv təmsilçisi "Seltik"dən Nir Bittonu transfer edib.
Bu barədə İsrail klubunun rəsmi saytı məlumat yayıb. 30 yaşlı yarımmüdafiəçi ilə 2 illik müqavilə imzalanıb.
Nir Bitton 2013-cü ildən "Seltik"də çıxş edirdi. İsrailli futbolçu son mövsümdə Şotlandiya klubunun heyətində meydana çıxdığı 38 oyunda 2 qol və 2 məhsuldar ötürmə ilə yadda qalıb.
"Zirə" "Makkabi" ilə ilk oyunu iyulun 21-də Bakıda keçiriləcək, cavab matçı isə iyulun 28-də Təl-Əvivdəki baş tutacaq.