Ukrayna millisinin futbolçusu Andrey Yarmolenko “Avro-2020”nin sponsorları ilə bağlı jest edib.
Sportinfo.az xəbər verir ki, hadisə dünən Şimali Makedoniyaya qarşı matçdan (2:1) sonra baş verib.
31 yaşlı futbolçu Kriştiano Ronaldo və Pol Poqbadan fərqli olaraq, turnirin sponsorları olan “Coca-Cola” və “Heineken”i dəstəkləyib.
O, mətbuat konfransında masanın üzərində olan “Coca-Cola” və “Heineken” içkilərinin şüşələrini özünə tərəf çəkərək zarafatla deyib:
“Gördüm ki, Ronaldo “Coca-Cola”nı yığışdırdı. Mən belə etməyəcəyəm. Mənimlə əlaqə saxlayın”.