FİFA iki ölkənin üzvlüyünü dayandırdı - Müdaxiləyə görə

7 Aprel 18:20 Hadisə 730
FİFA iki ölkənin üzvlüyünü dayandırdı - Müdaxiləyə görə

FIFA Çad və Pakistan futbol qurumlarının fəaliyyətini dayandırıb.

Sportinfo.az xəbər verir ki, bu barədə FIFA Şurasının Bürosu qərar çıxarıb.

Çad Futbol Assosiasiyası (FTFA) hökumətin futbola müdaxiləsi səbəbindən cəzalanıb. Hökumət futbolun müvəqqəti idarə olunması üçün milli komitə yaradıb və FTFA-ya nəzarəti ələ keçirib.

Hökumət müvafiq qərarları ləğv etdikdən sonra və nəzarət tam olaraq FTFA-ya veriləndə ali futbol qurumu qərarı ləğv edəcək.

Pakistan Futbol Federasiyası (PFF) isə üçüncü tərəfin müdaxiləsi üzündən cəzaya məruz qalıb. Federasiyanı qiyamçı qrup ələ keçirib. Bu isə nizamnamənin pozulması deməkdir.

Etirazçılar FİFA-nın binanın boşaldılması tələbinə reaksiya verməyib və bu səbəbdən, qurum PFF-nin fəaliyyətini dayandırıb. PFF-nin nəzarəti altındakı qərargah, binalar, hesablar və rabitə kanalları qayıtdıqdan sonra qərar ləğv olunacaq.

Digər Xəbərlər
Xəbər Lenti
22 Aprel 18:40 Kərim Ronaldonu ötdü
21 Aprel 22:00 32-ci dəfə çempion