“Araz-Naxçıvan” bu gün Premyer Liqada yeni mövsümün açılışını edəcək.
Səkkiz ildən sonra elitaya dönən Muxtar Respublika təmsilçisi ilk turda “Turan Tovuz”la qarşılaşacaq.
I Liqanın son çempionu “Dalğa Arena”da ev sahibi olaraq meydana çıxacaq.
Başa çatan mövsümdə “Turan Tovuz”un formasında 32 matç keçirən, 6 qol və 6 assistlə yadda qalan Natan Oduva bu ildən “Araz-Naxçıvan”ın şərəfini qoruyacaq.
İngiltərəli hücumçu sabiq komandasına qarşı forma geyinməyəcək “Tottenhem”in yetirməsi yalnız bu gecə saatlarında Azərbaycana təşrif buyuracaq.
Hücumçu birillik müqavilə imzalayacaq. Oduva yeni klubunda 100 min dollar qazanacaq.
SPORTİNFO.AZ
