“Ümraniyespor” “Səbail”in futbolçusu Coşqun Diniyevin transferini açıqlayıb.
Sportinfo.az xəbər verir ki, millimizin yarımmüdafiəçisi tibbi müayinədən keçdikdən sonra onunla müqavilə imzalanacağı bildirilib.
“Səbail” iyunun 21-i C.Diniyevi transfer etmişdi. Onun müqaviləsində xarici ölkə təmsilçisindən təklif alacağı təqdirdə, “dənizçilər”dən hər hansı şərt olmadan ayrıla biləcəyi barədə müvafiq bənd yer almışdı.
“Ümraniyespor” ötən mövsüm Türkiyə Superliqasını tərk edib. Komanda yeni mövsüm 1-ci liqada oynayacaq.
