Bilindiyi kimi, AFFA və Peşəkar Futbol Liqası (PFL) ölkə çempionatının strukturunda yenilik etməyə hazırlaşır.
Bundan sonra Premyer Liqa və I Divizionla yanaşı, II Divizion da keçiriləcək.
İlk dəfə təşkil ediləcək yarış statusuna görə Region Liqasının üstündə olacaq və bir növ I Diviziona keçid mahiyyəti daşıyacaq.
AFFA və PFL II Divizionun birinci mövsümündə minimum 10 klubun iştirak etməsini planlaşdırır. Burada üstünlük əyalət təmsilçilərinə veriləcək.
I Divizionda mübarizə aparmağı arzulayan, lakin maliyyə, infrastruktur və digər məsələlər üzrə təminatı o səviyyədə olmayan komandalara yeni çempionatda özlərini sınamaq təklif ediləcək.
Təbii ki, seçi elə-belə aparılmayacaq. Yəni, kimin ürəyi istədi, gəlib burada oynamayacaq.
Təşkilatçılar müəyyən şərtlər paketi hazırlayıb və bu tələbləri yerinə yetirmək lazım gələcək.
SPORTİNFO.AZ
