"Olimpiakos"un yeni ulduzu Marselo yeni klubunda debüt etməyə yaxındır.
Sportinfo.az xəbər verir ki, braziliyalı müdafiəçi ilk dəfə klubun iştirak ərizəsində yer alıb.
Onun adı Yunanıstan Superliqasının 6-cı turunda "Atromitos"la matç (2 oktyabr) üçün baş məşqçi Xose Miçelin siyahısına daxil edilib.
Marselonun Avropa Liqasının qrup mərhələsinin 3-cü turunda "Qarabağ"la oyun üçün iştirak ərizəsində də yer alacağı gözlənilir.
Oktyabrın 6-da keçiriləcək "Olimpiakos" - "Qarabağ" matçı Bakı vaxtı ilə saat 23:00-da başlayacaq.