Azərbaycan Futzal Federasiyasının (AFF) prezidenti postunda dəyişiklik gözlənilir.
Bu barədə AFFA-dan redaksiyamıza məlumat daxil olub.
Qurumdan əldə etdiyimiz informasiyaya görə, Zaur Axundovun yaxın vaxtlarda vəzifəsindən ayrılması gündəmdədir.
Buna səbəb onun bugünlərdə Naxçıvan Futbol Federasiyasının sədri seçilməsidir. Bir şəxsin AFFA-ya bağlı iki sahə/region təşkilatına eyni vaxtda rəhbərlik etməsi faktına indiyədək rast gəlinməyib.
Bu, federasiyanın nizamnaməsiylə də yolverilməz sayılır. Odur ki, Axundovun 2008-ci ildən idarə elədiyi AFF ilə vidalaşması qaçılmazdır.
SPORTİNFO.AZ
