Romada güləş üzrə Avropa çempionatı davam edir.
Sportinfo.az xəbər verir ki, Ağahüseyn Mustafayev (70 kq) ilk mərhələdə Ermənistan idmançısı Qevorq Mxeyanla üz-üzə gəlib.
Dramatik görüş olduqca gərgin və maraqlı alınıb. Prinsipial qarşılaşmaya erməni güləşçi daha yaxşı başlayıb və 8:0 önə keçib. Ancaq özünü itirməyən Ağahüseyn inanılmaz əzmkarlıq nümayiş etdirərək fantastik geri dönüş edib.
İkinci hissədə rəqibə göz açmağa imkan verməyən Mustafayev yarışa inamlı qələbə qazanıb - 15:8.Ağahüseyn Mustafayev bu gün finalda Polşa təmsilçisi Məhəmmədmurad Hacıyevlə qarşılaşacaq.
