.jpg)
Avqustun 1-dən 7-dək Tokio Olimpiadasında güləş yarışları keçiriləcək.
Ölkəmizi Olimpiya Oyunlarında təmsil edəcək hər 3 güləş növü üzrə millilərimiz son hazırlıq mərhələsinə keçiblər.
Sportinfo.az Azərbaycan Güləş Federasiyasına (AGF) istinadən xəbər verir ki, Göygöl Olimpiya İdman Kompleksində təlim-məşq toplanışını başa vuraraq, Bakıya qayıdan yığmalarımız Tokioya səfər ərəfəsində son 1 həftəlik hazırlıq prosesini paytaxtda keçəcəklər.
Artıq Olimpiya Güləş Mərkəzində son hazırlıq mərhələsinə start verilib. Bu məşqlər əsasən taktiki-texniki çalışmalar üzərində qurulacaq.
Olimpiyaçılarımız ölkə xaricindən dəvət olunmuş sınaqçı-rəqiblərlə birgə hazırlıq prosesini davam etdirəcəklər.
Komandalarımız Tokioya iyulun 27-də yollanacaq.
