Təlim-məşq toplanışını Bakıda davam etdirən futzal üzrə Azərbaycan millisinin heyətində dəyişiklik edilib.
Sportinfo.az xəbər verir ki, Amadeu Fernandes viza ilə bağlı problemlə üzləşdiyindən millinin toplanışına qatıla bilməyib.
Baş məşqçi EKOL-dan Fərid Atakişiyevi hazırlığa dəvət edib.
Avqustun 24-dək Bakıda toplanış keçirəcək yığma hazırlığını ayın 25-dən 29-dək Minskə davam etdirəcək. Toplanış çərçivəsində komandamız avqustun 26-da və 28-də Belarus yığması ilə yoldaşlıq oyunları keçirəcək.
