.jpg)
İngiltərənin nüfuzlu “Sky Sports” nəşri futbol tarixinin ən güclü oyunçusunu müəyyən etmək üçün sorğu keçirib.
Sportinfo.az xəbər verir ki, ümumilikdə yarım milyona yaxın respondent səsvermədə iştirak edib.
Birinci yeri bütün səslərin 36 faizini toplayan Portuqaliya millisinin hücumçusu və Səudiyyə Ərəbistanının “Əl Nəsr” komandasında çıxış edən Kriştiano Ronaldo tutub.
İkinci yerdə cüzi fərqlə “İnter Mayami”dən olan məşhur argentinalı Lionel Messi (35%) qərarlaşıb.
Üçüncü yeri Messinin əfsanəvi həmyerlisi Dieqo Maradona tutub. Üçqat dünya çempionu braziliyalı Pele isə 4-cü yerdə qərarlaşıb.
Maradona 2020-ci ildə, Pele isə 2022-ci ildə dünyasını dəyişib.
