“Burqasda keçiriləcək yarışın əsas qəhrəmanları hazırkı dünya çempionları Rəziyyə Seyidli – Ağasif Rəhimov cütlüyü və Daniel Abbasov – Murad Rəfiyev kişi cütlüyü olacaq”.
Sportinfo.az xəbər verir ki, bu barədə Beynəlxalq Gimnastika Federasiyasının (FIG) rəsmi saytı Bolqarıstanda mayın 30-da start götürəcək akrobatika üzrə Dünya kubokuna həsr olunmuş yazıda qeyd edib.
Yarışda 12 ölkədən 90-dan çox idmançı iştirak edəcək. Onlar qadın və kişi qrupları, cütlüklər və qarışıq cütlüklər üzrə beş medal dəsti uğrunda mübarizə aparacaqlar:
“Burqasda kişi cütlüklərinin mübarizəsi, bəlkə də, ən rəqabətli yarış olacaq. Azərbaycanlı dünya çempionları ilə yanaşı, ABŞ-dan Osselodkov qardaşları və balans hərəkətləri üzrə 2022-ci ilin dünya çempionları – Qazaxıstandan Vadim Şulyar və Daniel Dil də mükafatlara əsas namizədlərdir”.
Burqasdakı yarış bir çox idmançılar üçün avqustda Çində, Çendu şəhərində keçiriləcək Dünya Oyunlarına hazırlıq baxımından mühüm mərhələ olacaq.
.jpg)
