Çempionlar Liqasının qrup mərhələsində IV turun daha 6 oyunu keçirilib.
Sportinfo.az xəbər verir ki, bugünkü matçlardan sonra pley-off-a vəsiqə qazanan ilk komanda bəlli olub.
G qrupunda çıxış edən "Mançester Siti"ı Danimarkada "Kopenhagen"lə qolsuz heç-heçəyə razılaşsa da, Dortmund "Borussiya"sının evdə "Sevilya"dan xal alması "şəhərlilər"i vaxtından əvvəl 1/8 finala yüksəldib.
Azərbaycan millisinin hücumçusu Mahir Emrelinin çıxış etdiyi Zaqreb "Dinamo"su Xorvatiyada Avstriya "Zaltsburq"u ilə sülh bağlayıb.
25 yaşlı forvard bu görüşdə də ehtiyatda qalıb. E qrupunun digər oyununda "Çelsi" İtaliyada "Milan"a 2 cavabsız qolla qalib gəlib.
Gecənin növbəti sensasiyası Polşada qeydə alınıb. "Şaxtyor" (Donetsk) gözlənilmədən "Real Madrid"i büdrədib.
Daha əvvəl H qrupunda Hayfa "Makkabi"si İsraildə "Yuventus"u yenməklə, sürprizə imza atıb. Bu qrupun digər matçında isə PSJ Fransada Portuqaliya "Benfika"sının müqavimətini qıra bilməyib.
11 oktyabr
E qrupu
23:00. "Milan" (İtaliya) - "Çelsi" (İngiltərə) - 0:2
Qollar: Jorjinyo, 22 (penalti). Pyer-Emerik Obameyanq, 34
Qırmızı vərəqə: Fikayo Tomori, 18 ("Milan")
23:00. "Dinamo" (Zaqreb, Xorvatiya) - "Zaltsburq" (Avstriya) - 1:1
Qollar: Robert Lyubiçiç, 40 - Nikolas Zayvald, 12
Xal durumu: "Çelsi" - 7, "Zaltsburq" - 6, "Milan" - 4, "Dinamo" - 4
F qrupu
23:00. "Seltik" (Şotlandiya) - "Leyptsiq" (Almaniya) - 0:2
Qollar: Timo Verner, 75. Emil Forsberq, 84
23:00. "Şaxtyor" (Donetsk, Ukrayna) - "Real Madrid" (İspaniya) - 1:1
Qollar: Aleksandr Zubkov, 46 - Antonio Rüdiger, 90+5
Xal durumu: "Real Madrid" - 10, "Leyptsiq" - 6, "Şaxtyor" - 5, "Seltik" - 1
G qrupu
20:45 "Kopenhagen" (Danimarka) - "Mançester Siti" (İngiltərə) - 0:0
Qırmızı vərəqə: Serxio Qomes, 30 ("Mançester Siti")
İstifadə edilməmiş penalti: Riyad Mahrez, 25 ("Mançester Siti")
23:00. "Borussiya" (Dortmund, Almaniya) - "Sevilya" (İspaniya) - 1:1
Qollar: Cud Bellingem, 35 - Tanqi Kuassi, 18
Xal durumu: "Mançester Siti" - 10, "Borussiya" - 7, "Sevilya" - 2, "Kopenhagen" - 2
H qrupu
20:45. "Makkabi" (Hayfa, İsrail) - "Yuventus" (İtaliya) - 2:0
Qollar: Omer Atsili, 7. 42
23:00. PSJ (Fransa) - "Benfika" (Portuqaliya) - 1:1
Qollar: Kilian Mbappe, 40 (penalti) - Joau Mario, 62 (penalti)
Xal durumu: PSJ - 8, "Benfika" - 8, "Yuventus" - 3, "Makkabi" - 3