"Qarabağ" daha güclüdür, yaxşı olardı ki, "Ferentsvaroş"la qarşılaşaq" - VİDEO

17 Avqust 02:30 Çempionlar Liqası 427
"Qarabağ" daha güclüdür, yaxşı olardı ki, "Ferentsvaroş"la qarşılaşaq" - VİDEO

"Viktoriya" Çempionlar Liqası pley-off mərhələsinin ilk oyunu çərçivəsində bu gün Bakıda "Qarabağ"ın qonağı olacaq.

Sportinfo.az xəbər verir ki, Plzen təmsilçisinin baş məşqçisi Mixal Bilek matçla bağlı sualları cavablandırıb:

- "Şerif"lə matçdan sonra mətbuat konfransında bildirmişdiniz ki, daha çox "Ferentsvaroş"la oynamaq istəyərdiniz. Nə üçün belə demişdiniz?

- Əslində, ona görə demişdim ki, "Qarabağ" daha güclü rəqibdi, yaxşı olardı ki, "Ferentsvaroş"la qarşılaşaq.

- Sabah stadiondakı atmosfer və hava ilə bağlı gözləntiləriniz necədi?

- Bilirdik ki, burada hava da isti olacaq, "Qarabağ"ın azarkeşləri də çox olacaq. Bunların hamısına hazırlaşıb gəlmişik.

- Sabahkı oyunda stadionun dolu olması sizə təsir göstərə bilər?

- Təbii ki, bilirik çox azarkeş olacaq, stadion dolu olacaq. Çalışacağıq ki, oyuna konsentrasiya olaq.

- Sizcə, cütün favoriti hansı komandadı?

- "Qarabağ" bura kimi gəldiyi yolda Polşa, İsveçrə və Macarıstan çempionunu sıradan çıxarıb. Biz də Çexiya çempionuyuq. Təbii ki, "Qarabağ" çox güclü rəqibdi. Əlimizdən gələni edəcəyik.

- Sabah müdafiə olunacaqsınız?

- Oyunun gedişatını, mövqeləri demək istəməzdim. Sabaha qədər fikirləşəcəyik ki, hansı oyunçu hansı mövqedə oynayacaq. Oyun vaxtı görəcəksiniz hər şeyi.

- Çempionlar Liqasına vəsiqə qazanmış kimi düşünürsüz, yoxsa hələ hazır deyilsiz?

- Demək olar ki, biz bir addımlıqdayıq. Ona görə çalışacağıq ki, maksimumu edək. Çox uzun yol gəlmişik. Əlimizdən gələni edəcəyik ki, sabah qələbə qazanaq.

- Sabahkı oyunda minimal hesablı məğlubiyyət sizi qane edəcək?

- Əslində, biz çalışacağıq ki, sabah qələbə qazanaq və evdə daha sığortalanmış olaq. Sabah bizi nəyin gözlədiyini bilmirik. Oyunda bilinəcək. Çalışacağıq ki, qalib gələk və ev oyununu maksimum sığortalanmış halda keçirək.

- Bir çox oyunları iki hücumçu ilə keçirmisiz. Çox matçda da həmin sxemlə qalib gəlmisiz. Sabahkı oyunda da bu cür sxemdən istifadə edəcəksiniz?

- Bayaq dediyim kimi, "Qarabağ"ın müdafiəsi güclüdü. Ona görə də biz tam bilmirik, əvvəlki sxemlə oynayacağıq ya, yox. Sabaha qədər hər şey daha dəqiq bilinəcək.

Digər Xəbərlər
Xəbər Lenti
29 Sentyabr 19:00 Göz(ümüz)ə soxulan 9 xal
29 Sentyabr 14:30 "Sportinfo TV”də GÜNDƏM
29 Sentyabr 03:30 Həbib hara yoxa çıxıb?