"İkinci hissədə biz daha çox nəticəni qorumağa çalışdıq".
Sportinfo.az xəbər verir ki, bunu Çempionlar Liqasının III təsnifat mərhələsində "Qarabağ"ın rəqibi olan "Ferentsvaroş"un kapitanı və qapıçısı Deneş Dibus deyib.
O, 1:1 hesabı ilə başa çatan görüşün çətinliyindən danışıb:
"Oyun şəraiti ağır, rütubət yüksək idi. Stadion çox gücümüzü aldı. Qarşılaşmada nəticə rəqibin xeyrinə də bitə bilərdi, çünki onların da şansları vardı.
Səfərdəki heç-heçədən narazı qala bilmərik. Buraxdığımız qolda bir az bəxtimiz gətirmədi. “Qarabağ”ın yaxşı komanda olduğunu gördük.
Bütün bildiklərimiz ikinci oyunda bizə lazım olacaq. Bunu evdə – öz tamaşaçılarımızın qarşısında etmək lazımdır”.
"Ferentsvaroş" – "Qarabağ" cavab matçı avqustun 9-da Macarıstanın paytaxtı Budapeştdə olacaq.