Çempionlar Liqası III təsnifat mərhələsinin cavAb oyunu çərçivəsində baş tutacaq "Ferentsvaroş" - "Qarabağ" matçının hakimləri açıqlanıb.
Sportinfo.az xəbər verir ki, qarşılaşmanı İspaniyadan olan hakimlər briqadası idarə edəcək.
Görüşün baş hakimi Karlos del Serro Qrande olacaq. Ona Xose Naranxo və Qonsalo Qonsales köməklik göstərəcək. Dördüncü hakim funksiyasını Migel Anxel Ortis Arias yerinə yetirəcək.
"Ferentsvaroş" - "Qarabağ" matçı 9 avqust tarixində Budapeştdə baş tutacaq. Komandalar arasında ilk oyun isə avqustun 3-ü Bakıda olacaq.
