"Qarabağ"ın Çempionlar Liqasının 2-ci təsnifat mərhələsindəki rəqibi “Sürix" İsveçrə çempionatında 2-ci tur oyununa çıxıb.
Sportinfo.az xəbər verir ki, komanda doğma meydanda “Luzern”lə qarşılaşıb.
Matç 0:0 hesabı ilə başa çatıb. "Sürix" 2 turdan sonra 1 xalla hazırda 7-ci pillədə qərarlaşıb.
Matçdan sonra keçirilən mətbuat konfransında “Sürix”in baş məşqçisi Franko Foda komandasının xüsusən ilk yarım saatdakı oyunundan razı qaldığını deyib:
“Biz bu mövsüm ilk xalımızı qazandıq və qol buraxmadıq. Komandamızın yekunda qalib gəlmək üçün fiziki gücü çatmadı. İndi toparlanmalı və bütün gücümüzlə “Qarabağ”la oyuna hazırlaşmalıyıq”.
“Qarabağ” Bakıdakı ilk görüşdə “Sürix”ə 3:2 hesabı ilə qalib gəlib. Cavab matçı iyulun 27-si İsveçrədə olacaq.
