Azərbaycan millisinin müdafiəçisi Toral Bayramovun yeni komandası “Bursaspor”un baş məşqçisi Mustafa Er fikirlərini bölüşüb.
Sportinfo.az xəbər verir ki, 46 yaşlı mütəxəssis Türkiyə mətbuatına açıqlamasında yeni transferləri dəyərləndirib:
“Toplanışı yüksək səviyyədə keçirik. Həm taktiki, həm də oyun baxımından nələr bacardığımıza baxırıq.
Çünki komandada yeni oyunçular var. Kollektivə 7 transfer cəlb olunub.
Onların hər biri yüksək səviyyəli futbolçulardır, bəziləri milli komandalarında çıxış edir. Onlardan gözləntilərimiz böyükdür.
Doğru transferlər həyata keçirdik və onların da köməyi ilə hədəfimiz I Liqanı çempion kimi tamamlayaraq Superliqaya vəsiqə qazanmaq olacaq”.
Baş məşqçi daha iki transfer reallaşdıracaqlarını vurğulayıb.
.jpg)