Azərbaycan millisinin müdafiəçisi Toral Bayramovun da formasını geyindiyi “Bursaspor” yoxlama oyununa çıxıb.
Sportinfo.az xəbər verir ki, komanda “Pendikspor”la qarşılaşıb. Matç 2:2 hesabı ilə yekunlaşıb.
Toral Bayramov da bu görüşdə meydana çıxıb. 25 yaşlı müdafiəçi 23-cü dəqiqədə qaydanı pozaraq rəqibin penalti qazanmasına və qol vurmasına səbəb olub.
Toral Bayramov ötən ay “Qarabağ”dan “Bursaspor”a keçib. O, 2018-ci ildən Ağdam təmsilçisinin formasını geyinirdi. Həmçinin futbolçu 2021-ci ildən Azərbaycan millisinin üzvüdür.
