Polşa Ekstraklasasında 26-cı turun oyunları keçirilir.
Sportinfo.az xəbər verir ki, Azərbaycan millisinin hücumçusu Renat Dadaşovun çıxış etdiyi "Motor" öz meydanında çempionatın lideri “Zaqlebie”ni qəbul edib.
Matç həmyerlimizin klubunun 1:0 hesablı qələbəsi ilə başa çatıb. “Motor”a 3 xal qazandıran yeganə qolu görüşün 52-ci dəqiqəsində Mbaye Ndiaye vurub.
Renat Dadaşov sarı vərəqə cəzalısı olduğu üçün bu matçda iştirak etməyib.
Son beş turda dördüncü qələbəsini qazanan “Motor” xallarının sayını 37-ə çatdırmaqla turnir cədvəlində altıncı pilləyə yüksəlib. Renatın komandası liderdən cəmi 4 xal geri qalır.
