Azərbaycan millisinin hücumçusu Mahir Emreli formasını “Kayzerslautern”da uzun fasilədən sonra qol vurmağa nail olub.
Sportinfo.az xəbər verir ki, Mahir Almaniya II Bundesliqasının 26-cı turunda “Karlsruhe” ilə görüşün 90+4-cü dəqiqəsində komandasının üçüncü qolunu vurub.
Matç “Kayzerslautern”in 3:0 hesablı qələbəsi ilə başa çatıb.
Mahir Emreli sonuncu qolunu ötən il avqustun 17-də Almaniya Kubokunda “Ayntraxt 1949”un qapısına vurmuşdu.
