Azərbaycan milli komandasının və “Yurqorden”in forvardı Musa Qurbanlı Polşa klubunun transfer siyahısına daxil olub.
Sportinfo.az xəbər verir ki, sportal.az-a verilən məlumata görə, Polşa yüksək liqasında mübarizə aparan “Yagelloniya” Qurbanlını izləyir.
Belostok təmsilçisi Musa üçün “Yurqorden”ə müraciət edəcək.
Bu mövsüm Polşa liqasında çempionluğa oynayan və hazırda ikinci yerdə qərarlaşan “Yagelloniya” qışda alınmasa da, ən pis halda, azərbaycanlının transferini yayda reallaşdırmağı düşünür.
Millimizin forvardı 2023-cü il iyulun 7-də “Yurqorden”ə keçib. O, 2026-cı il iyunun 30-na qədər İsveç klubuna məxsusdur.
