Azərbaycan millisinin hücumçusu Musa Qurbanlının formasını geyindiyi "Yurqorden" bu gün İsveç çempionatında 24-cü tur oyununa çıxacaq.
Sportinfo.az xəbər verir ki, komanda Stokholm derbisi matçında AİK-in qonağı olacaq.
Görüş Bakı vaxtı ilə saat 17:00-da başlayacaq.
"Yurqorden" hazırda 40 xalla (23 oyun) 4-cü, AİK 25 xalla (23 oyun) 13-cüdür. Turnir cədvəlinə 52 xalla (24 oyun) "Malmö" başçılıq edir.
"Elfsborq" 48 xalla (23 oyun) 2-ci, "Hakken" 47 xalla (23 oyun) 3-cü pillədə qərarlaşıb.
M.Qurbanlı "Yurqorden"lə İsveç çempionatında bu mövsüm meydana çıxdığı 7 matçda 2 qol vurub, 1 qolun ötürməsini verib.
.jpg)
