Türkiyə birinci liqasında 33-cü turun oyunları keçirilib.
Sportinfo.az xəbər verir ki, millimizin yarımmüdafiəçisi Coşqun Diniyevin formasını geydiyi “Ümraniyespor” öz meydanında “Erzurumspor”u qəbul edib.
Qarşılaşmaya ehtiyat oyunçular skamyasından başlayan Coşqun 85-ci dəqiqədə meydana daxil olub. O, İsaak Kofieni əvəzləyib.
Görüş Coşqunun komandasının 2:0 hesablı qələbəsi ilə başa çatıb.
Bu qələbədən sonra xallarının sayını 40-a çatdıran “Ümraniyespor” turnir cədvəlində 12-ci pilləyə yüksəlib.
