"Araz-Naxçıvan"da forma geyinən Tural Bayramlı İdman Arbitraj Məhkəməsinə (CAS) müraciət etməyə hazırlaşır.
Buna səbəb AFFA-nın Oyunçuların Statusu və Transferi Komitəsinin onun şikayətinə mənfi reaksiya göstərməsidir.
Belə ki, komitə 23 yaşlı yarımmüdafiəçinin sabiq klubu "Səbail"dən kompensasiya tələbi və "dənizçilər"ə idman sanksiyası tətbiq edilməsi ilə bağlı iddiasını təmin etməyib.
"Səbail" yayda Tural Bayramlı ilə yollarını ayırıb. Oyunçu klubun müqavilə şərtlərinə uyğun olmadan onunla yolları ayırdığını əsas gətirərək şikayət edib.
O, Bayıl təmsilçisindən bir mövsüm ərzində alacağı məbləği - 70 min manatı istəyir.
AFFA-nın problemli məsələyə birtərəfli yanaşması Bayramlını CAS-ya getmək məcburiyyətində buraxıb.
Orta sahə oyunçusu bundan ötrü bütün sənədləri toplayıb və prosesin qarşıdakı aylarda beynəlxalq müstəvidə araşdırılması gözlənilir.
SPORTİNFO.AZ
