COP29

Rövşən Nəcəf AFFA-nın yeni hədəfləri haqda: "Bütün bunlar bir günün işi deyil"

14 Aprel 22:30 Azərbaycan Futbolu 1 327
Rövşən Nəcəf AFFA-nın yeni hədəfləri haqda: "Bütün bunlar bir günün işi deyil"

"Hamının çiyin-çiyinə, əl-ələ verib Azərbaycan futbolunun inkişafı üçün işləməsi zəruridir.

İlk olaraq hədəfləri müəyyənləşdirməliyik".

Sportinfo.az xəbər verir ki, bunu AFFA-nın yeni prezidenti Rövşən Nəcəf deyib.

O, qarşıda duran hədəflərdən bəhs edib:

" Möhtərəm Prezidentimiz İlham Əliyevin diqqət və qayğısı sayəsində Azərbaycan idmanı inkişaf edir. Bu baxımdan futbol da inkişafdadır. Hər an bilməliyik ki, doğru yoldayıqmı, hədəfə çata biləcəyikmi".

Funksioner uşaq futbolunun inkişafına xüsusi önəm veriləcəyini söyləyib:

"Bundan başqa, azarkeşlərlə də işləməliyik. Avropada gördüyümüz azarkeş marağını Azərbaycan çempionatının matçlarında da müşahidə etmək üçün çalışmalıyıq.

Eyni zamanda teleyayımın keyfiyyətinin artırılması üçün müəyyən tədbirlər görməyi vacib bilirik".

Rövşən Nəcəf qadın futbolunda da uğurlu çıxışın davamı üçün hər cür dəstək nümayiş etdiriləcəyini sözlərinə əlavə edib:

"Bütün bunlar bir günün işi deyil. Necə ki, klub səviyyəsində uğurlar zamanla, zəhmətlə əldə edildi

. Milli komandamız FIFA reytinqində layiqli yerdə deyil. Zamanla bunun da düzələcəyinə inanırıq".

Digər Xəbərlər
Xəbər Lenti