Bu gün AFFA-nın İcraiyyə Komitəsinin (İK) növbəti iclası keçiriləcək.
Toplantı videokonfrans formatında olacaq. Sözügedən İclas saat 17:00-da start götürəcək.
İK-nin toplantısında bir sıra vacib qərarların verilməsi planlaşdırılır. Sportinfo.az-ın AFFA-dan əldə etdiyi məlumata görə, komitə növbəti mövsümdə Premyer Liqada mübarizə aparacaq bir neçə kluba əlavə maliyyə vəsaitinin ayrılmasını rəsmiləşdirəcək.
Həmçinin I Divizionda yaş limitinin ləğvinin təsdiqlənməsi nəzərdə tutulur. Belə ki, yaşı 21-dən yuxarı 7 futbolçunun əsas heyətdə meydana çıxmasına icazə verilməsi planlaşdırılır.
Millinin DÇ-2022-nin seçmə mərhələsinin ilk 3 turundakı çıxışı burada müzakirəyə çıxarılacaq, o cümlədən, uşaq-gənclər futbolu ilə bağlı məsələlər gündəmə gətiriləcək.