İtaliya A Seriyasında XVIII turun “İnter” – “Napoli” oyunundan əvvəl hər iki komandanın azarkeşləri arasında münaqişə baş verib.
Sportinfo.az xəbər verir ki, dava-dalaş nəticəsində qonaqların 4 fanatı bıçaqlanıb.
Onlardan qarın nahiyəsindən bıçaq yarası alan 43 yaşlı azarkeşin xəstəxanaya yerləşdirildiyi bildirilir. Digər 3 nəfər isə yüngül xəsarət alıb.
Bundan başqa, dava zamanı “İnter” azarkeşlərindən biri yaxınlıqdan keçən avtomobil tərəfindən vurulub. Həmin şəxsin durumu ağır qiymətləndirilir.
Oyun “İnter”in 1:0 hesablı qələbəsi ilə nəticələnib. Meydan sahibləri Lautaro Martinesin 90+2-ci dəqiqədə vurduğu qolla qalib gəliblər.
.jpg)
