"Beşiktaş" klubu bu gün Avropa Liqasında növbəti oyununu keçirəcək.
Sportinfo.az xəbər verir ki, Ule Qunnar Solskyaerin baş məşqçisi olduğu kollektiv İspaniyadan "Atletik"i (Bilbao) qəbul edəcək.
Liqa mərhələsinin VII turunun qarşılaşması Bakı vaxtı ilə saat 19:30-da start götürəcək. Meydan sahibləri 6 xalla 28-ci, qonaqlar 16 xalla 2-ci pillədə qərarlaşıb.
Açılış matçında "Qalatasaray" Ukraynanın "Dinamo" (Kiyev) klubu ilə heç-heçə edib - 3:3. VII turun digər matçları yanvarın 23-də baş tutacaq.
