"Minsk 2019" II Avropa Oyunlarında Azərbaycanı təmsil edəcək atıcılarının adları müyyənləşib.
Oyunlara 5 atıcı qatılacaq.
Stend atıcılığı növündə Emin Cəfərov, Nurlana Cəfərova (hər ikisi dairəvi stenddə), Aydan Camalova (səngər stendi) mübarizə aparacaq.
Güllə atıcılığında isə Ruslan Lunyov və Nigar Nəsirova qüvvəsini sınayacaq. Atıcılığın hər bir növü üzrə Avropa Oyunlarının qalibləri 2020-ci il Tokio Yay Olimpiya Oyunlarına lisenziya qazanacaq.
II Avropa Oyunları 21 - 30 iyunda Belarusun paytaxtı Minskdə təşkil olunacaq.