21 yaşadək futbolçulardan ibarət Azərbaycan komandası Omanın U-23 yığması ilə ikinci yoxlama oyununu keçirib.
Sportinfo.az xəbər verir ki, “Bank Respublika Arena”da baş tutan qarşılaşma millimizin 4:2 hesablı qələbəsi ilə bitib.
Azərbaycan komandasının qollarını Elgün Dünyamalıyev (28), Əli Xəlilov (42), İlkin Cəfərli (65) və Niyazi Osmanov (78) vurublar.
Omanın U-23 komandasına qarşı keçirilən ilk yoxlama matçında seçməmiz 2:1 hesablı qələbə qazanmışdı.
