COP29

"Zəif tərəflərim var, mən də səhvlərə yol verirəm"

4 May 2019 09:12 Atçılıq 430
"Zəif tərəflərim var, mən də səhvlərə yol verirəm"

"Formula 1" üzrə 5 qat dünya çempionu Lüis Hemilton avtomobil sürməyi sevmədiyini etiraf edib.

"Mercedes"in britaniyalı pilotu yarışmaqdan zövq aldığı halda, adi yollarda fərqli davranış sərgilədiyini bildirib.

"Yavaş hərəkətdən xoşum gəlir. Açığı, çox da maşın sürmürəm. Bundansa "Formula 1" trasında yarışmağı üstün tuturam.

Tanıdığım hər bir pilot sərbəst yürüş və testlərini simulyatorla etməyi sevir", - deyə 34 yaşlı idmançı vurğulayıb.

Tarixdə ən yaxşı pilotun adını açıqlamayan Hemilton bildirib ki, heç kimi mükəmməl saymaq olmaq:

"Məhz qeyri-mükəmməllik bizi böyük edir, bir-birimizdən fərqlənməyimizə imkan verir. Amma bununla tam qüsursuz sayılmırıq.

Əlbəttə, özümün də zəif tərəflərim var, mən də səhvlərə yol verirəm. Təkcə builki Azərbaycan Qran-prisinə nəzər salın.

Yenə elə də uğurlu start götürmədim. Amma heç vaxt təslim olmur və özümə inanıram".

Lüis Hemilton ötənilki Azərbaycan Qran-prisində birinci, bu il isə ikinci yeri tutub.

Digər Xəbərlər
Xəbər Lenti
18 May 14:20 Rumıniyaya uduzduq
18 May 11:00 Bunun da öz yeri var!