"Bakı maraqlı yerdi və hiss edirəm ki, o, adi "Grand Prix"lərdən fərqlənir.
Azərbaycandakı marşrut istənilən küçə marşrutundan fərqlidi, çünki hər şey bir-birinə, hətta otelə və qutulara da yaxındı".
Sportinfo.az xəbər verir ki, bunu "Reno"nun pilotu Niko Hülkenberq qarşıdakı istirahət günlərində Azərbaycanda keçiriləcək Qran-pri barədə fikir bildirərkən deyib.
"Köhnə evlər, qəsrlər və döşənmiş küçələri izləmək çox gözəldir. Yarış da ildən-ilə daha da maraqlı hala gəlir.
Son iki mövsümdə mənim o qədər də bəxtim gətirmədi, amma hər zaman istənilən fürsətdən faydalanmaq üçün lazımi zamanda lazımi yerdə olmaq lazımdı", - deyə "Reno"nun mətbuat xidməti pilotun sözlərini sitat gətirib.
