Bukmeykerlər aprelin 26-dan 28-nə qədər Bakıda keçiriləcək “Formula-1” üzrə Azərbaycan Qran-Prisinin qalibləri ilə bağlı əmsallarını açıqlayıb.
Sportinfo.az xəbər verir ki, Çində keçirilən Qran-Pridən fərqli olaraq, Bakıdakı yarışın favoriti kimi “Mersedes”in pilotu Luis Hamilton göstərilib.
Ona 2,87 əmsal verilib. “Ferrari”nin pilotu Sebastyan Fettel isə 3,25 əmsalla ikinci yerdə qərarlaşıb.
Bukmeykerlərə görə, üçüncü və dördüncü yerlərdə 4,33 əmsalla Valtteri Bottas və Şarl Lekler qərarlaşıb.
“Red Bull” komandasının üzvü Maks Ferstappen isə liderlərdən çox geridə qalır. Bukmeykerlər onun qələbəsinə 23,00 əmsal veriblər.
