"Formula 1" ilə 5 illik müqaviləmiz var. Əlavə sponsorların cəlb olunması üçün də davamlı iş aparırıq".
Sportinfo.az xəbər verir ki, bunu Bakı Şəhər Halqası Əməliyyat Şirkətinin (BŞH) Kommersiya şöbəsinin rəhbəri Bülent Özerdim deyib.
Onun sözlərinə görə, "Bakcell" şirkəti ilə əməkdaşlıq müqaviləsi yarışın əyləncə qismini əhatə edəcək.
Anlaşmaya əsasən, Bulvar tribunasına "Bakcell" şirkətinin adı veriləcək və bu tribuna şirkətin korporativ vizual elementləri ilə rənglənəcək.
Azərbaycan Qran Prisi 26-28 apreldə keçiriləcək. B.Özerdim "Formula 1" üzrə Azərbaycan Qran Prisinə hazırlıq prosesinin böyük ölçüdə yekunlaşdığını söyləyib:
"Bilet satışları ötən mövsümlə müqayisədə daha yaxşıdır. Əsas hədəf ölkə xaricindən daha çox insanın cəlb olunmasıdı.
Böyük Britaniya, Hollandiya, Rusiya, Avstraliya və digər yerlərdən böyük maraq görürük".
