"Formula 1" üzrə Azərbaycan Qran Prisi çərçivəsində konsert proqramı ilə çıxış edəcək ikinci və son ulduz qonaq bəlli olub.
Bakı Şəhər Halqası Əməliyyat Şirkətindən Sportinfo.az-a verilən məlumata görə, bu, Cardi B ləqəbli Belkalis Almanzardı.
ABŞ-dan olan müğənni 28 apreldə Bakı Kristal Zalında səhnə alacaq.
"Formula 1" zamanı Bakıda çıxış edəcək ilk ulduz Sem Smitdir. Britaniyalı müğənninin konserti aprelin 27-də olacaq.
