Azərbaycan Respublikası Atçılıq Federasiyasının təşkilatçılığı ilə Çövkən Milli Atüstü Oyunu üzrə Prezident Kuboku turnirinin qrup üzrə son oyunları keçirilib.
Sportinfo.az xəbər verir ki, “A” qrupunda “Sərhədçi” komandası “Murad”ı 6:0 hesabı ilə məğlub edib.
“Buta Golden” kollektivi isə “Ağstafa”dan üstün olub - 5:2. “B” qrupundan “Omar” “Köhlən”ə 11:1 hesabı ilə qalib gəlib. “Polad” isə “Qarabağ”dan güclü olub - 2:0.
Dekabr 22-də yarımfinalda “A” qrupunu lider kimi başa vuran “Sərhədçi” “B” qrupunun ikincisi “Polad”la qarşılaşacaq.
“B” qrupunda birinci yeri tutan “Omar” isə “A” qrupundan “Buta Golden”lə üz-üzə gələcək. Üçüncü yer və final oyunları isə dekabrın 23-də keçiriləcək.
