“Bayern”in prezidenti Uli Höness, komandanın qapıçısı Manuel Noyer barədə danışıb.
Sportinfo.az “Sport Bild”-ə istinadən xəbər verir ki, o, 40 yaşlı futbolçunun hələ də yüksək səviyyədə çıxış etdiyini və klub üçün əhəmiyyətini qoruduğunu bildirib:
“Noyer ən yaxşılardan biri olaraq qalır. Mən onu dünya səviyyəli qapıçı hesab edirəm.
O, komandanın qarşıdakı mövsümdəki uğuruna böyük töhfə verə bilər. Noyer xarakter baxımından bütün lazımi keyfiyyətlərə malikdir.
Gənc oyunçular ona heyran qalırlar. O, hələ də iddialıdır və bizim üçün inanılmaz dərəcədə vacibdir”.
Daha əvvəl qarşıdakı mövsümün Noyerin karyerasındakı son ili ola biləcəyi bildirilib.
