«Sumqayıt»ın əvəzedici komandasının yeni baş məşqçisi müəyyənləşib.
Gənclər yığmasında Milan Obradoviçin köməkçisi təyin edilən Elbrus Məmmədovun mövsümün sonunda «kimyaçılar»la vidalaşmasından sonra boşalan posta Zaur Hidayətov gətirilib.
Bunadək klubun akademiyasında çalışan gənc mütəxəssislə 1 illik müqavilə imzalanıb. Onun qarşısına əsas komandaya bir neçə gənc futbolçu qazandırmaq vəzifəsi qoyulub (Sportinfo.az).

