I Divizionda 18-ci tur qərb derbisinə səhnə oldu. Lider "Turan" yaxın qonşusunu Tovuzda qəbl etdi və bu səfər "Şəmkir"in məğlubiyyəti ilə başa çatdı. Sportinfo.az xəbər verir ki, Əsgər Abdullayevin komandası başından bəri üstün götürdüyü qarşılaşmanın ikinci hissəsinin əvvəlində vurduğu 2 qolla "qırmızı-ağlar"a məyusluq yaşatdı. Beləliklə, şəmkirlilər çempionluq yolunda mübarizədə çox ağır yara aldı, Premyer Liqaya vəsiqə şansını azaltdı. Bu, eyni zamanda yeni baş məşqçi Badri Kvaratsxeliyanın ilk məğlubiyyətini rəsmiləşdirdi.
