Bu gün I Divizionda 18-ci turun daha 4 oyunu keçirilib. Sportinfo.az xəbər verir ki, MOİK Qusarda "Şahdağ"ın müqavimətini qıra bilməyib. "Şərurspor" ardıcıl 3-cü məğlubiyyətini "Qaradağ Lökbatan"dan alıb. QL ilk dövrənin gedişində yollarını ayırdığı Əfqan Talıbovun yeni komandasını 4 dəfə mərkəzə dəvət edib. Talıbov bundan utansa yaxşıdı. Çünki o, keçmiş köməkçisi Azər Bağırovun əlini sıxıb.

"Səbail" qovur, "Turan" qaçır. Tovuz təmsilçisi qərb derbisində "Şəmkir"in önünə keçdi. 9 dəqiqəyə 2 qol vuran Əsgər Abdullayevin komandası zirvədən asanlıqla aşağı enməyəcəklərini göstərdi. "Zaqatala"nın da bir gözü də yuxarılardadı. Futbol ictimaiyyətinin böyük səbirsizliklə Premyer Liqada görmək istədiyi şimal klubu 3 turluq aradan sonra qələbənin havasını ciyərlərinə çəkib. "Zaqatala" öz meydanında "Bakılı"ya 5:1 qalib gəlib ki, qolların birini də prezident Musa Qurbanovun qardaşıoğlu Osman vurub.

“Şahdağ” - MOİK 0:0

“Turan Tovuz” - “Şəmkir” 2:0
Qollar: Rəhman Musayev, 51. Aqşin Muxtaroğlu, 59.

“Şərurspor” - “Qaradağ Lökbatan” 2:4
Qollar: Fuad Məmmədzadə, 74. Rəsul Babazadə, 75 - Sabir Allahquliyev, 44. Tural Rzayev, 55; 64. Rüfət Məmmədov, 90+3.

“Zaqatala” - “Bakılı” 5:1
Qollar: Kənan Müslümov, 5. Oruc Balaşlı, 45; 71-pen. Ruslan Cəfərov, 63. Osman Qurbanov, 86-pen - Elnur Abdulov, 42.

Bombardirlər: Oruc Balaşlı ("Zaqatala") - 22 qol, Rəhman Musayev ("Turan Tovuz") - 18 qol, Bayram Budaqov ("Səbail") - 16 qol.