Birinci divizionun 15-ci turu çərçivəsində baş tutan "Şəmkir" - "Şahdağ" oyununda (1:0) qonaqların futbolçusu Sərxan Ağayev 60-cı dəqiqədə xəsarət alaraq xəstəxanaya çatdırılıb. Sportinfo.az xəbər verir ki, Şəmkir klubu bununla bağlı bəyanat yayıb.
Bəyanatda deyilir ki, matçdan dərhal sonra “Şəmkir”in bütün üzvləri Şəmkir Mərkəzi Xəstəxanasında Sərxan Ağayevin səhhətiylə yaxından maraqlanmış, lazım olan dəstəyi göstərmişdir. "Şəmkir"in bəyanatında Ağayevin xəsarət aldığı epizodda müdafiəçiləri Cəmil Hacıyevin futbola yad olan heç bir qeyri-peşəkar hərəkət etmədiyi vurğulanıb.
