“Zirə“ rəhbərliyi komandanın kapitanı Cavid Hüseynovu böyük məbləğdə cərimələyib.
Sportinfo.az-ın məlumatına görə, bu, 5000 manat təşkil edib.
Buna səbəb onun “Qarabağ”la görüşün (0:6) 67-ci dəqiqəsində baş hakim Rəhim Həsənovu təhqir etdiyinə görə birbaşa qırmızı vərəqə alaraq meydançadan kənarlaşdırılmasıdır.
AFFA ona 4 oyunluq cəza, klubuna 3200 manat cərimə kəsib. Federasiyanın müəyyənləşdirdiyi məbləği Cavidin özü ödəyəcək (həmin epizoda 4:40-cı dəqiqədən etibarən baxa bilərsiz).