"Arsenal"ının yetirməsi Ali Sisayi Antalyadakı düşərgəsinə gətirən “Zirə” baxışa başqa bir legioner də dəvət edib.
Sportinfo.az xəbər verir ki, o, Artyom Rozqonyukdur. 24 yaşlı moldovalı universaldır. Həm müdafiəçi, həm də dayaq yarımmüdafiəçisi kimi Zaur həşimovun işinə yarayır. “Şerif”in yetirməsinin karyerası daha çox digər klublarda icarədə keçib.
O, ölkəsində “Petrokub”, “Sperantsa” və “Sfintul Qeorqe”dəki çıxışı ilə diqqət çəkib. 2017-ci ildən Moldova millisinə çağırılan Rozqonyuk 11 oyun keçirib. O, AVRO-2020-nin seçmə mərhələsində 4 matçın iştirakçısı olub.