Premyer Liqanın XV turunda "Sumqayıt"la keçirilən oyunda zədələnən "Zirə"nin hücumçusu Rafael Utziq ilin sonunadək meydana çıxmayacaq.
Sportinfo.az xəbər verir ki, müayinədən sonra onun cari ili başa vurduğu məlum olub.
Lakin hadisələr müsbət yöndə cərəyan edərsə, Utziq ilin sonunda 1 görüşdə meydana çıxa bilər. Amma bu ehtimal olduqca aşağıdır.
Rafael Utziq "Sumqayıt"a qalib gəldikləri (4:1) oyunun 22-ci dəqiqəsində zədələndiyi üçün Eldar Quliyevlə əvəzlənib.
Komandanın kapitanı Qismət Əliyev üçün isə il başa çatıb. Məşqdə zədələnmiş müdafiəçi komandaya bir də gələn il kömək olacaq.
