"Zirə" iki futbolçusu ilə yollarını ayırıb.
Sportinfo.az qəsəbə təmsilçisinin rəsmi saytına istinadən xəbər verir ki, klub Fakundo Melivilo və Şəhriyar Rəhimovla vidalaşıb.
Argentinalı hücumçu ilə bağlanmış müqavilə başa çatıb, Rəhimov isə qarşılıqlı razılaşma əsasında komandadan ayrılıb.
"Qartallar" futbolçulara klub üçün göstərdikləri xidmətə görə təşəkkür edib, karyeralarında uğurlar arzulayıb.
"Zirə” buna qədər Elvin Camalov, Kərim Diniyev, Lazar Corceviç, Ruslan Qurbanov, Tural Bayramlı, Klesio Bauk, Rodriqo Bonqonqui və Mateus Albino ilə yollarını ayırıb.
