Qadın voleybolçular arasında Qızıl Avropa Liqasında 2021/22 mövsümünə yekun vurulub.
Sportinfo.az xəbər verir ki, “Dördlər finalı”nın matçları Bolqarıstanda baş tutub.
Xorvatiyanı 3:1 hesabı ilə məğlub edən meydan sahibləri turnirin qalibi olub. Üçüncülük qarşılaşmasında qrupda Azərbaycanın rəqibi olan İspaniya Çexiyanı 3:2 hesabı ilə məğlubiyyətə uğradıb.
Mübarizəni qrup mərhələsində dayandıran Azərbaycan yığması Qızıl Avropa Liqasında sonuncu – 11-ci göstəriciyə imza atıb.
Bu, millimizin Gümüş Avropa Liqasına yuvarlanması ilə nəticələnib. Yığmamızın əvəzinə isə Bosniya və Herseqovina Qızıl Avropa Liqasında oynayacaq.