Avropa Liqasının II təsnifat mərhələsində "Neftçi" ilə keçirəcəyi oyun üçün dünən Bakıya gələn "Qalatasaray" azərbaycanlı azarkeşlərin münasibətindən razı qalıb.
Sportinfo.az xəbər verir ki, bununla bağlı rəsmi "Twitter" hesabında paylaşım edən İstanbul təmsilçisi fanatlara təşəkkür edib.
Paylaşımda bu sözlər qeyd olunub: "Bu möhtəşəm qarşılama üçün təşəkkürlər, böyük "Qalatasaray" tərəfdarı! Həyatın mənası, "Qalatasaray".
Bu gün Bakı Olimpiya Stadionunda keçiriləcək "Neftçi" - "Qalatasaray" oyunu saat 20:00-da start götürəcək.