Türkiyə Futbol Federasiyası (TFF) ölkədə fəaliyyət göstərən futbol hakimlərinin mərc oyunlarına qatılması ilə bağlı genişmiqyaslı araşdırma aparıb.
Sportinfo.az xarici KİV-ə istinadən xəbər verir ki, nəticələr hakimlərin 65 faizinin bukmeker şirkətlərində hesab sahibi olduğunu və onlardan 152 nəfərinin idman mərclərində fəal iştirak etdiyini göstərib.
Araşdırmanın nəticəsinə əsasən, 149 hakim 8-12 aylıq müddətə futboldan kənarlaşdırılıb.
Bu şəxslərdən biri 18227 dəfə mərc edib, 42 hakim isə hər biri azı 1000 futbol matçına pul qoyub. TFF hələlik üç hakimin fəaliyyəti ilə bağlı araşdırmanı davam etdirir.
FİFA və UEFA-nın qaydalarına əsasən, futbol hakimlərinin hansısa idman növünə mərc etməsi qəti qadağandır.
